Жергілікті атқарушы органға басшылық жасайды және Қапшағай қаласы мен Қапшағай өңірінің аумағында Қазақстан Республикасы Президентінің, Республика Үкіметінің және Алматы облысы әкімінің тікелей өкілі болып табылады.

Дара басшылық ретінде іс-әрекет жасап, өз қызметін Қазақстан Республикасының Конституциясы, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңы және өзге де нормативтік құқықтық актілер негізінде жүзеге асырады.

Мемлекеттік органдармен, ұйымдармен және азаматтармен өзара қарым-қатынастарда Қапшағай қаласының және Қапшағай өңірінің мүддесін қорғайды.

Қапшағай қаласы мен Қапшағай өңірінің Азаматтық және аумақтық қорғанысының бастығы болып табылады.

 

1.     Мыналардың жұмысына тікелей басшылық етеді:

1)     Қала әкімінің орынбасарлары;

2)     Қала әкімі аппаратының жетекшісі;

3)     Ауылдық округтердің әкімдері.

 

2.     Қызметін үйлестіретіндер:

1)     Қалалық ішкі істер бөлімі;

2)     Қапшағай қаласы бойынша салық басқармасы.

 

3.     Мыналармен өзара әрекеттестікті жүзеге асырады:

1)     Қалалық прокуратура;

2)     ҚР ҰҚК Алматы облысы бойынша Департаментінің Қапшағай қалалық бөлімі;

3)     Қаржы полициясының Қапшағай өңірі бойынша ауданаралық басқармасы;

4)     Қапшағай қаласының соты;

5)     Қалалық әділет басқармасы.

 

4. Мыналардың қызметіне тікелей басшылық жасайды:

1) Қала әкімдігі жанындағы сыбайлас жемқорлықпен күрес мәселелері жөніндегі комиссия;

2) Қалалық бюджеттік комиссия.

 

Қала басшыларының арасында бірін-бірі алмастыру реті

Қала әкімі Н.А. Таубаев болмаған кезде оның міндеттері қала әкімінің бірінші орынбасары І.С.Сүгіровке жүктеледі.

Қапшағай қаласы әкімінің орынбасарлары мен аппарат жетекшісі арасында мынадай бірін-бірі алмастыру реті бекітіледі:

Сүгіров І.С. - Сейітәшімов А.

Сейітәшімов А. - Асантаев Ж.А.

Асантаев Ж.А. - Қалқабай А.